Sunday, January 16, 2005
Lagot na.
Patay na ako. Ang dami kong kailangang gawin na hindi ko pa nagagawa. Bukas, kailangan kong ipasa ang papel ko para sa klase ni Bernal tungkol sa pelikulang White. Eh hindi ko nga gaanong naintindihan ang pelikula, at wala ako masyadong mahanap sa internet tungkol dun. Yung ibang mga websites pa tungkol dun nakasulat sa French. May nakita akong nakasulat na ang puti raw ay simbolo ng pagkapantay-pantay sa bandera ng France. Hindi ko naman makita ang tema ng pagkapantay-pantay sa pelikula. Tapos, dahil Film & Design ang klase na yun, kailangan tungkol sa design ng pelikula ang isusulat namin. Eh wala nga halos na puti sa pelikula eh! Pano na yun?!?
Tapos, may kailangan kaming basahin para sa Pilosopiya. Siyempre, nakalimutan ko na naman basahin kahapon, kaya ihahabol ko rin ngayon yun.
Ang pinakanakakanerbiyos pa ay ang teolohiya. Sa Huwebes na ang reporting namin. May iniwan si Mel na mga surveys sa library na kailangan naming ipasagot sa 20 na lalaki at 20 na babae. Ang masaklap dun ay, sa katangahan ko, nakalimutan kong kunin nung Biyernes. Nalaman ko na si Diana ay nasa library nun, kaya pinapakikuha ko na lang sa kanya. Pumayag naman, at mukhang gustong may magawa nung araw na yun. Kaya nga lang, nakalimutan niyang idaan sa bahay ko nung pauwi siya. Di rin niya nadaan sa akin kahapon. Sabi niya i-eemail na lang niya, pero di pa rin niya naeemail. Patay na ako. Bukas ko sinabing ibibigay ko yung mga surveys kay Mel.
Buti na lang naisulat at naipadala ko na kahapon ang mga nakalap ko sa libro ni Philip Keane tungkol sa report namin. Hindi ko na siya kailangang ihabol ngayon. Pero kailangan ko talaga ang mga survey na yun!
# Lyn found a missing piece @ 9:58 AM 
