Sa Biyernes naman ang araw ng pagrehistro ng mga nasa ikaapat nilang taon sa kolehiyo. Oo nga pala, kaarawan rin yun ni Jay. Ayan! Di na namin makakalimutan!

89 ang nakuha kong numero sa pagrehistro. Sana makuha ko mga klaseng gusto ko. Pinaplano naming bumalik muli sa klase ni G. de Jesus sa Pilosopiya. Haha...di kaya siya atakihin sa puso pag nakita niya na naman ang mga malikhaing manunulat sa kanyang klase? Di pa ako sigurado sa Teolohiya at Kasaysayan. Baka si Acevedo o Tejido sa Teolohiya, tapos si Madrona o Gealogo sa Kasaysayan. Tignan na lang natin.

Haaaaaaay. Sana bukas di na ako sunduin para pumunta sa tindahan namin pagkatapos ko kunin grado ko. Gusto ko naman maranasan sana ang bakasyon ko...kahit isang araw lang. Isang araw man lang, gusto kong nasa bahay lang, walang kailangang puntahan, walang kailangang gawin. Hindi kasama dun ang mga paglabas-labas, kahit na gaano kasaya. Basta nasa bahay lang. Namamahinga. Kasi, simula nang natapos ang klase, di na ako nagkaganoong araw na sarili ko lang ang iniintindi at kinakausap ko. Siyempre, kahit sino naman siguro, kailangan ng panahon para makapag-isa (tama ba?).

Hmm. Nakalimutan ko na rin kung gaano kasaya ang magsulat sa Pilipino. Ewan ko kung tama ang pagsulat ko. Pero sino bang may paki?

# Lyn found a missing piece @ 6:28 PM