Friday, June 03, 2005
Araw ng pagrehistro
Grabeeeeeeeee! Ang tagal! Akala ko dapat na akong matuwa dahil 89 ang numero ko. Haha...eh di pa ata natatapos magparehistro ang panlimampu, sarado na ang mga klaseng gusto ko. Tapos, laging ang tagal ng pagrehistro sa SOH. Paano ba naman kasi, dahil konti lang ang estudyante sa SOH, hinati nila ito sa tiglilimampu, tapos tinatapat nila ang bawat pangkat sa oras ng SOM, SOSS at SOSE, para raw sabay matapos lahat. Kaya ayun, tapos na ang panlimampu, ayaw pa nila papasukin ang 51, kasi di pa raw alas nuwebe ng umaga. Ay naku, sinayang niyo oras nating lahat. 7:30 ako dumating sa Ateneo, mga 10:30 siguro ako natapos. 89 ako ah. 89. Paano pa kaya ung mga 200+?
Mas nakakapagod pa ata ang pagrehistro kaysa sa aktwal na semestre. Haaaay. Eto ang mga klaseng nakuha ko:
MWF:
8:30-9:30 Philosophy 103 -- O -- Bel 210 -- De Jesus, Miguel
1:30-2:30 Theology 141 -- N -- CTC 103 -- Tejido, Manuel
4:30-7:30 Poetry -- A -- G207 -- Ypil, Lawrence
TTH:
10:30-12:00 Practicum I -- A -- G 306 -- Maramara, Melissa
3:00-4:30 History 166 -- E/F -- CTC 105 -- Totanes, Stephen
Hmm. Nakuha ko naman yung klaseng plano ko talagang kunin sa Pilosopiya. Ang labo nga, kasi bago pa nakapasok si Yumi sa computer room, sinabi nilang sarado na raw ang Section O. Tapos, maya-maya, tinawagan ako ni Yumi para sabihin sa aking nakapasok siya sa klaseng iyon. 25 pa raw natitira sa klaseng iyon. Nung ako na ang nagpaparehistro, akala ko ay wala na talaga. Pero nung tinignan ko, aba! May isa pa! Ayun, ako yung huling nailista sa klaseng iyon. Kaklase ko uli si Jay. At siyempre, si Yumi. Si Jace at Cerz ay nasa klase rin ni De Jesus, pero Philosophy 104 ang kinuha nila.
Sa Teolohiya naman, di ko kilala ang nakuha kong guro. Iba ang iba ang narinig ko tungkol sa kanya. Yung iba, sabi ok raw siya. Yung iba naman, nakakatakot raw siya. Sabi rin nila, nagpapa-salin sa Tagalog ng isang Latin na artikulo. Ah...buti na lang kasama ko si Darls dito. Di nga yun sinadya. Nagkataong pareho napili naming klase. Buti na lang kasi ngayon ang immersion. Gusto kong may kasama ako dun.
Sa Kasaysayan, di ko rin kilala nakuha ko. Si Totanes. Ewan ko kung sino siya. Basta yun na lang nasabi ko dun sa nagrerehistro sa akin. Kasama ko dito si Ina.
Di naman ako nagka-problema sa mga klase ko sa Fine Arts. Kasama ko sina Yumi at Ina sa Poetry. Sa Practicum naman, kasama ko mga ka-bloke ko.
Haaaaay. Buti na lang tapos na ang pagrehistro. Sana ibalik nila ang dating sistemang first-come, first-serve. Mas sang-ayon sa akin yung sistema na yon. Di tulad nitong maaga ka nga sa Ateneo, tagal mo namang maghihintay.
